شرح مفصل عن شات الكام فروج برنامج الكامفروج Camfrogشاطر

الكثير يسأل عن برنامج الكام فروج او شات الكامفروج Camfrog ويسعدنا ان ننقل لكم شحر تفصيلي حول هذه البرنامج وكيفية استخدام الكام فروج و شرح طريقة الانضمام والدخول الى شات الكم فروج

تحميل برنامج الكام فروج

تقسيم الموضوع إلى الأجزاء التالية
1 - قسم التعريف بالكامفروج
2 - قسم تنزيل وتسطيب البرنامج مع الباتش
3 - قسم شرح كيفية التعامل مع البرنامج وتعريف المصطلحات الغريبة فيه
4 - قسم البرامج المساعدة للكامفروج وشرحها بالتفصيل
5 - قواعد وأداب الكامفروج
6 - ملاحظات مهمة جدا لكل الاخوة والاخوات مستعملي برنامج الكامفروج

القسم الاول : التعريف ببرنامج الكامفروج
ما هو الكامفروج ؟؟؟
الاول خلينا نشوف كده شكل الكلمة بالانجليش وهي camfrog وترجمتها الحرفية ( ضفدع الكام ) وده لانو البرنامج يتميز بأنو برنامج لمحادثات الفيديو وفروج لانو اللوجو الاساسي بتاعوا على شكل ضفدعة
والكامفروج بشكل عام او أحد برامج الشات والمحادثة بالفيديو والصوت والكتابة الجماعية والمنفردة على الانترنت وطبعا زي اي برنامج تشات فهو له مميزات وعيوب ومن أهم مميزاته :-
1 - انو الشات والمحادثة فيه بالفيديو والصوت والكتابة ال 3

2 - البرنامج ده من أكتر البرامج أخلاقية ومحافظة على الاخلاق والاداب العامة( على الاقل بالنسبة للعرب ) وتم وضع قوانين صارمة للمحافظة على أخلاقية الكامفروج لدى العرب

3 - غرف الشات في الكامفروج بتتميز بالنظام لانو أولا المايك محدش بيقدر ياخده الا بالدور والطلب ثانيا الرومات على مدار اليوم بتقدم فقرات متنوعة من المسابقات والفقرات الترفيهية اللي بتبعث روح البهجة في المشاركين والمتحدثين في الرومات وطبعا كل الناس اللي موجودة بتقدر تشارك في كل حاجة بدون أي تفرقة

4 - البرنامج في حد ذاته لذيذ وممتع ومليان بالاسرار والخبايا والحركات الممتعة واللي هيعرف يستخدمه صح هيكسب كتير فعلا

5 - البرنامج بيتيح للمستخدمين التعرف على أصدقاء جدد بشكل أمن ورائع جدا لان الشات والمحادثة تتم في اطار نظم وقواعد صارمة في الكامفروج مما يتيح التعرف الامن على الاصدقاء والرفاق الجدد

6 - تسلية اوقات الفراغ بما هو مفيد وجديد

عيوب برنامج الكامفروج :-

1 - البرنامج بيفتقر لبعض اللمسات التقنية اللي متواجدة في برامج الشات الاخرى مثل الياهوو والهوتميل

2 - امكانية تعرض الاعضاء الجدد او السذج للاستغلال والمضايقات من قبل ناس عندهم خبرة في البرنامج

3 - عدم الاحتراس والاحتراز في هذا البرنامج قد يؤدي للشخص للعديد من المشاكل اذا ماتعامل بليونة او عدم صرامة مع بعض الاشخاص على البرنامج

التحميل من هنا
http://adf.ly/1TUTl6



2 - قسم تنزيل وتسطيب البرنامج مع تنزيل وتسطيب الباتش


أولا ادخل على هذا الرابط

CAMFROG VEDIO CHAT WITH PATCH

وامشي معايا زي مافي الصور اللي جايه دي بالظبط
وبعد كده هيطلع مربع اختار save وبعدين اختار مكان للملف على الجهاز وبعد كده سيب الملف يتحمل وبعدين الما الملف ينزل امشي معايا زي مافي الصور الجاية دي بالظبط
وبعد كده تروح على my computer
وبعدين
c
وبعدين
progam files
وبعدين
camfrog
وبعدين
Camfrog Video Chat
وتدوس كليك يمين في حتة فاضية وتختار paste زي مافي الصورة اللي جاية دي بالظبط
ولو طلعت اي حاجة زي دي دوسوا yes to all برضو

واستنوا بتاع 5 ثواني كده

وبكده نكون انتهينا من شرح القسم الاول ونقول بسم الله نبدأ في القسم التاني

القسم الثالث:- قسم شرح كيفية التعامل مع البرنامج وتعريف المصطلحات الغريبة فيه

الاول نيجي على ايقونة الكامفروج على الديسك توب
ودلوقتي قبل مانكمل تعالوا الاول نشرح شوية مصطلحات في الكامفروج عشان الناس تكون عارفاها :-
1- يوزر - user - مستخدم ------->>
ده الزائر العادي للروم ودي الاغلبية وله صلاحيات محددة في الروم منها ( مشاهدة ويب كام الشخص - اضافة الشخص - الدخول للتحدث الى الشخص ( بشرط يكون عامله ادد او يكون فاتح البرايفيت ) - عمل تجاهل ( ignore ) للشخص - مشاهدة بروفايل الشخص )
وكل ده طبعا انا شرحته في الصور اللي قبل اللي فوق
فريند - friend ------->>
يعني صديق بمعنى صديق للروم وده بياخد اللون الازرق عشان يتعرف وسطهم وده صلاحياته نفس صلاحيات اليوزر العادي ولكن له صلاحية واحدة اضافية هي امكانية ارسالة رسالة خالص لحد معين على الشات من غير ماحد يشوفها وانا مش أقصد انو يكلمه برة لا انو يكتب عادي على الشات والرسالة تروحله هوا وده عن طريق كتابة الكلام الي هو عايزه الاول وبعدين يدوس على الشخص الي عايز يوجهله الكلام بس مش غيره ويدوس كليك يمين وبعدين يختار ( send praivat massage )

- admin -الادمن operator ------->> وده بقى بيعتبر من الادارة بتاعت الروم وله صلاحيات اوسع واكتر الاول له نفس امكانيات الفريند وضيف عليهم امكانية التكييك ( kicking ) يعني طرد اي حد من الروم برة ( يقدر يرجع من تاني بس للتحذير الكيك ) - التبنيش ( punshing ) يعني جعل الشخص مش قادر يكتب حاجة للروم ولا يسمع اللي على المايك ولا يفتح كام حد ولا يوجه كلام لحد خالص - التبليك - البلوك ( blocking mic ) - يعني ممكن حد يكون على المايك وبعدين هو يديله بلوك يعني ينزله من على المايك بالعافية .


الاوبلص - super operator - opplus ------->>
وده أكبر من الادمن بسنة صغيرة في المرتبة وده له نفس صلاحيات الادمن بالظبط ماعدا حاجة واحدة اكتر شوية هي امكانية اعطاء البان ( ban ) اي منع الشخص من دخول الروم تاني بمجرد مايخرج منها .

ا
الاونر - owner ------->>
وده اكبر شخص في الروم وفي نوعين من الاونرات الاونر الاساسي والاونر العادي والاونر الاساسي هو الشخص اللي أنشأ الروم ده على الكامفروج ومعاه الباصورد بتاع الروم - أيوة الرومات ليها باص مع الناس اللي عملتها - وفي الاونر العادي وده بمرتبة مساعد أول للاونر الاساسي وله نفس صلاحيات الاونر عادي وعايزين نوضح نقطتين هنا بقى انو الناس اللي بتاخد الوان دي سواء فريند او ادمن او اوبلص الاونر هو اللي بيديهولها سواء اساسي او عادي معنى كده انو الاونر هو اللي بيرفع الناس ويديها الوانها وصلاحياتها والنقطة التانية انو الاونر العادي له نفس صلاحيات الاساسي ماعدا حاجة واحدة هو رفع الشخص لمرتبة الاونر يعني ياخد اللون الاحمر ويتمتع بصلاحيات الاونر وده محدش بيقدر يعملها الا الاونر الاساسي لانو عملية الرفع لاونر دي محتاجة الباصورد بتاع الروم نظرا لاهميتها .. والاونر ده له كل الصلاحيات وهي كتيرة ومنها ( رفع الناس لدرجات مختلفة في الروم - صلاحيات الاوبلص كلها - هو اللي بيحط التوبيك اللي بيكون في أول الروم من فوق زي ماشفنا قبل كده - وحاجات تانية كتير اوي هنقولها بعدين

الالوان ------->>
ه
يعني الوان الناس ودرجاتهم في الروم

الكام >> هي الكاميرا وهي اما كاميرا فيديو حقيقية live webcam او انها برنامج كاميرا وهمية

المايك - mic >> وهو المايكروفون يعني وده بتكتب انت اسم الروم وبتطلب المايك وهما بيدوهولك

الجمب - jumb >> يعني المايك يكون رايح لحد معين وبمجرد مالشخص اللي ماسك المايك يسيبه عشان يروح للشخص المعين ده تروح انت مثلا واخدة كده انت اسمك نطيت او عملت جمب على المايك وبتاخد بلوك عشان تنزل ودي فايدة البلوك عرفتوا بقى .

نيكنيم - nickname >> يعني الايميل من الاخر او اسم الشخص الظاهر في الروم

توبيك - topic >> يعني الكلام اللي بيكون مكتوب باللون الاحمر في الروم من فوق اول ما بتدخل .

والبلوك والكيك والبنش والبان انا شرحتهم قبل كده وانا محبتش اتعمق فيهم لانو انا بتكلم بالنسبة للاخوة الجدد او ملهمش خبرة كبيرة في الكامفروج فبتعامل معاهم بعيد عن التعقيد شوية

السيريال - serial >> الاول قبل مشرح يعني ايه سيريال احب الاول اوضح حاجة مهمة وهي انو الكامفروج اصلا مكنش بيسمح بحد يستخدمه غير لما يدفع فلوس الاول لاصحاب البرنامج ولكن لما لقوا انو شعبية البرنامج مش بتكبر قرروا انهم يخلوا استخدام الكامفروج متاح للجميع ولكن الناس العادية اللي مش هتدفع فلوس مش هيكون ليها صلاحيات ( زي منع العرب من الدخول لرومات أجنبية بدون سيريال او كاميرا ) ولكن اللي عايز ياخد الصلاحيات كاملة يدفع فلوس قيمتها بتختلف على حسب نوع وجودة السيريال يدفع فلوس لشركة الكامفروج ذات نفسها وبعدين هما يبعتولوا سيريال serial ويدخله في البرنامج ويعملوا اكتيفيشن activation وبكده يتمتع بصلاحيات أكتر منها او يقدر يفتح أكتر من كاميرا واحدة ( اللي من غير سيريال بيفتح كاميرا واحدة بس ) ويقدر يتحكم في مساحة الشاشة بتاع الكاميرا اللي بيتفرج عليها ( الباتش اللي ركبناه ده بيدي كده برضو واللي من غير باتش ولا سيريال ميقدرش يعمل كده ) ويدخل الرومات الاجنبية ( في رومات بتشترط يكون الشخص مركب كام وكام حقيقية كمان مش وهمية ) وعمل لوكيت على حد معين وهنقول دلوقتي يعني ايه لوكيت .

اللوكيت - locate >> اللوكيت هي انك تشوف حد معين هو موجود في انهي روم والعملية دي محكومة بأمرين الاول انو يكون عندك سيريال - ودلوقتي مبقاش مهم السيريال اوي في مسألة اللوكيت لانو تقدر تعمل لوكيت من على سايت الكامفروج نفسه من خلال انك تدوس على الرابط اللي جاي ده
-
http://www.camfrog.com/toolbar/user_locate.php
- وتكتب اسم اللي انت عايز تشوفه هو فين وبعدين تدوس على الكلمة اللي على اليمين وهحط صورة انا دلوقتي للحكاية دي - والامر التاني اللي محكومة بيه عملية اللوكيت هو انو الشخص يكن فاتح اللوكيت يعني يسمح للناس يعرفوا هو موجود فيه وفي ناس - ودي الاغلبية - بتقفل اللوكيت عشان محدي يعرف هما فين .


والنتيجة زي ماقلتلكم هتكون حاجة من 3 وهي اولا انو تطلع النتيجة يجيبلك اسم الروم على هيئة لينك أزرق وده كده يبقى هو فاتح اللوكيت يعني بيسمح للناس يعرفوا هو موجود فين والنتيجة التالتة انو يقلك This user doesn’t allow location searches يعني هو كده قافل اللوكيت والنتيجة التالتة انو يقلك this user is not in room يعني هو مش موجود حاليا في اي شات روم او انو هو اوفلاين مش فاتح

دلوقتي تعالوا نبص بصة سريعة على أهم استخدامات القوائم الاساسية في برنامج الكامفروج الاول نعرف هي فين كده بس في الصورة دي

اول حاجة هي لستة file لما تدوس عليها هيطلعلك الاختيارات التالية :-
sign out >> ودي عشان تقفل الايميل وتخرج منه
creat new profile >> ودي عشان تعمل ايميل جديد
exit >> ودي عشان تقفل الكامفروج خالص

وتاني حاجة هي لستة view ودي لما تدوس عليها هيطلعلك خيارات دوس شيل علامة الصح من عليها وانت تعرف الفرق وفايدتها ايه ولو عايز ترجعها حط علامة الصح عليها من تاني
وبعد كده في لستة action ودي مهمة شوية ودي بتنقسم للتالي :-
connect to vedio chat room >> ودي تدوس عليها وتكتب اسم الروم اللي عايز تدخلا وتدوس اوكي ولكن الاحسن انك تكون ضايف الرومات المفضلة ليك وتدخل عليها من favourit rooms أسرع

add conact >> ودي تكتب اسم الايميل اللي عايز تضيفه وبعدين تدوس اوكي
change passowrd >> ودي لتغير الباسورد بتاعك انت تدخل القديم في old passowrd وبعدين تدخل اللي الجديد اللي انت عايزة في new passowrd وبعدين تكتبه مرة تانية وخلاص على كده بس يكون الباسورد صح فعلا اللي هو القديم وميكونش الجديد مختلف لما تيجي تأكده
send an instate massage >> ودي انك تكتب اسم الايميل وتدوس اوكي وتخش تكلمه لو انت مش ضايفه بس الافضل انك تضيفه وتكلمه احسن الا اذا مكنتش عايزه يكون على ايميلك
locate user >> لعمل لوكيت على حد معين وانا سبق وشرحت شروط اللوكيت
im catcher >> ملهاش لازمة دلوقتي خليها

ودلوقتي ندخل على اهم منسدلة وهي settings الاوضاع بتاعت الايميل وهحاول اني اختصرها واشرح اهم النقط اللي تهمنا كلنا فيها والباقي انصح انو يجربها عشان يكتسب الخبرة بنفسه
اولا هتلاقي من فوق general وهي الاوضاع العامة بتاعت الايميل والكامفروج على الجهاز وهتلاقي في اول خانة popup windows ودي اللي بتخص التنبيهات الي بتطلع على يمين الشاشة لما حد بيدخل اونلاين او يطلع اوفلاين لو لما بتجيلك رسالة من حد داخل يكلمك دول علم عليهم كلهم وبعدين الخانة التانية بتاعت confirmations ودي دوس على default وبعدين apply وبعدين ok
وبعد كده في قايمة sounds دي انصح بأنك يا اما تعلم ع ليها كلها عن طريق check all وبعدين apply وبعدين Ok يا اما تشيل العلامات دي كلها عن طريق clear all وبعدين ابلاي واوكي وكل مربع قدامه الوظيفه اللي بيرمز ليها وتقدر انت تعلم على اللي انت عايز تسمع اصوات لما تحصل او لا
وبعد كده في لستة parental controls او خصائص مراقبة الاباء ودي بلاش تلعب فيها خالص دلوقتي كمل للستة اللي بعد كده على طول
وبعد كده في لستة transparency ودي سيبك منها خش على اللي بعديها
دلوقتي احنا في لستة praivacy and saftey ودي المهم فيها دلوقتي هي اول خانة اللي هي خاصة باللوكيت اهي دي بقى اللي تقدر تحدد من خلالها اذا كان اللوكيت بتاعك مفتوح ولا مقفول يعني حد يقدر يشوف انت موجود في انهي روم ولا لا والاختيار ممكن تعلم عليه او تشيله بس انصح انك تعلم عليه عشان تقفل اللوكيت منعا للازعاج do not allow users to see chat room i am in
واللي تحت دول سيبك منهم عشان مش هيهموك دلوقتي انزل على خانة website profile page ودي الخاصة بالاعدادات بتاعت البروفايل بتاعك على الكام فروج وتقدر تحدد عرض الاصدقاء والكومنتس وغيرها من الاوضاع والمربعات قدامك وتقدر تختار
بعد كده في لستة profile ودي تقدر تعدل منها البروفايل بتاعك بسرعة وسيبك من comments و photos
وبعدين هتلاقي vedio و aoudio سيبك منهم وندخل دلوقتي على لستة blocked users ودي عشان تخلي الناس اللي انت عاملهم بلوك يقدروا يكلمكوك من تاني ولسة هشرح الويندو بتاعت الشات دلوقتي
وبعد كده في لستة visable list ودي الخاصة انو انت لما بتدخل انفيزبول محدش بيشوفك لكن انت ممكن تخلي ناس معينة انت عايزهم يشوفوك بالرغم من انك اوفلاين للكل لكن عايز دول ب بالذات يشوفوك وده ممكن عن طريق انك تدخل النيكنيم نيم اللي عايزه يشوفك اونلاين بالرغم من انك انفيزبول للكل عن طريق انك تدوس add وتدخل النيكنيم وبعدين apply وبعدين ok وتقدر تشيل النيكنيم عادي برضو
وبعد كده نرجع للستة action ومش فاضل معانا غير منسدلة history windows ودي الخاصة بالرومات الي انت دخلتها مؤخرا وتقدر تشوفها عشان تشوف انت دخلت رومات ايه في الفترة الاخيرة
وبعدين نرجع للقوائم الاساسية في البرنامج هتلاقي قايمة vedio سيبك منها دلوقتي
وبعدين قايمة help ودي دلوقتي مش هنحتاج غير اننا نعرف منها ازاي نرجع الايميل لو الباسورد نسيناه وبعدين في تفعيل السيريال وده مش هنحتاجه دلوقتي المهم تعالوا نشوف ازاي نرجع الايميل لو نسينا الباسورد

وبكده نكون انتهينا من شرح أهم أساسيات البرنامج ونقدر دلوقتي ندخل على القسم الرابع من موضوعنا انهاردة واحنا مطمنين
يتبع >>>
القسم الرابع :- البرامج المساعدة للكامفروج وشرحها بالتفصيل

طبعا الكامفروج محتاج عشان يبقى لذيذ وممتع أكتر محتاج شوية برامج كده معاه مخصصة ليه هو عملها مبرمجين مخصوص عشان مستخدمي برنامج الكامفروج وانا طبعا نظرا لكثرة البرامج دي وطول شرحها فنا هشرح أهم البرامج وازاي نتعامل معاها
دلوقتي انا هحدد لستة البرامج اللي هتكلم عنها وهي :-
1- برنامج الكاميرا الوهمية
2 - برنامج الايموشنات
3 - برنامج تغير الخطوط
4 - برنامج تغير الايبي
ودلوقتي واحدة واحةدة ناخد برنامج برنامج ونحاول نشرحه على قد مانقدر
اول برنامج هو برنامج الكاميرا الوهمية سبليت كام
splitcam
الاول لازم نعرف انو برنامج الكامفروج هو عبارة عن شات بالفيديو بالدرجة الاولى وبالتالى يستحسن انو يكون عندك كاميرا عشان تقدر تتواصل بشكل أحسن مع الناس ولكن في ناس طبعا معندهاش ويب كام حقيقة فالاحسن ليها انها تنزل برنامج يشتغل زي الكاميرا بالظبط ويعرض اللي انت تحدده سواء صورة او فيديو وبرنامجنا ده هو برنامج بيتميز انو خفيف وجميل وممتاز وهحاول اشرحه على قد مقدر والاول لازم تنزلوا البرنامج من خلال الضغط عل الصورة اللي جاية دي

الرابط مباشر وبعد ماتنزل البرنامج تيجي عليه وتمشي معايا زي مافي الصور اللي جاية دي بالظبط

وبعد كده تطير على الديسك توب وتدوس على الايقونة بتاعت البرنامج واللي شبه البرنامج بالظبط

دلوقتي نقدر ندخل على البرنامج اللي بعد كده واللي هيخلينا نقضي أوقات أمتع على الكامفروج وهو برنامج الايموشنات الجديدة ولكن الاول نزلوا البرنامج من هنا
ودلوقتي نقدر ندخل على البرنامج اللي بعد كده واللي هيخلي أوقاتنا أمتع على الكامفروج وهو برنامج الايموشنات الجديدة بس الاول تعالى نحمله من خلال اللينك اللي جاي ده
camfrog new emotions
ولما ينزل نمشي معاه زي مافي الصور اللي جاية دي

وبعدين next لحد ماتوصلوا ل finish زي مانتوا عارفين بقى
ودي الايموشنات الجديدة بعد التسطيب واللي تقف معاه مشكلة ياريت يقولي عليها


ودلوقتي ندخل على برنامج تاني معانا هو برنامج تغير الخطوط وده برنامج بيخليك تكتب بألوان في الكامفروج مش موجودة في لستة الالوان الاساسية والاول تعالوا نحمل البرنامج من اللينك اللي جاي ده
camfrog new fonts

وبعد التحميل نقفل الكامفروج ونيجي على البرنامج ونختار الالوان زي مافي الصورة الجاية دي كده

وبعد كده ندخل على البرنامج التالي وهو برنامج تغير الايبي وده فايدته انو انت لما بتاخد بان او بنش اللي بيحصل انو البنش او البان يجي على الايبي بتاعك يعني من الاخر امر البان والبنش بيمنع الايبي بتاعك وبيتعامل معاه فالحل دلوقتي انك تغير الايبي بتاعك وتدخل بأيبي جديد عشان امر البان مش يتعرف عليك وبالتالي تقدر تفك البان او البنش من غير ماحد يساعدك ودلوقتي يلا بينا نشوف البرنامج الاول وحملوه من الللينك اللي جاي ده
hide ip platinume

وبعد التسطيب دخل السيريال ده
FAAC94401E223C3B
والبرنامج مش تستعمله الا لما تعوز تغير الاييبي يعني لما تاخد بان او بنش اقفل الكامفروج وشغل البرنامج وغير الايبي بتاعك واختار بروكسي كويس وبعدين افتح الكامفروج وادخل الروم اللي كنت متبند فيها هتلاقي البان او البنش اتفك

وبكده نكون انتهينا من قسم البرامج المساعدة للكامفروج ونبدأ دلوقتي نخش على القسم اللي بعد كده

القسم الرابع :- قسم قواعد وأداب الكامفروج

ودلوقتي ندخل في قسم تاني من التعامل مع الكامفروج وهو قسم القواعد والاداب العامة في استخدام البرنامج ولازم دلوقتي اقولكم على بعض القواعد دي ومعناها وازاي نطبقها صح
واحب اقول انو القوانين والقواعد دي اللي بيخالفها بيتعرف لانواع عقاب كتير في الروم ودلوقتي تعالوا نبص بصة سريعة على اهم وابرز قوانين وقواعد واداب الكامفروج :-
1 - ممنوع طلب التعارف على البنات
واعتقد انو ده من المنطقي ودي من الحاجات اللي بتفصل بين الكامفروج وبين البرامج التانية لانو الكامفروج من اكتر البرامج اخلاقية زي ماقلت وبيمنع طلب التعارف على البنات اطلاقا
2- ممنوع التلفظ بألفاظ خادشة للحياء او خارجة عن حدود الادب واللياقة
ممنوع الشتائم بأنواعها والالفاظ الجارحة واللي بيغلط بيتعرض للعقاب وبينطرد من الروم فورا
3 - ممنوه عمل الجمبات
واعتقد اني شرحت يعني ايه جمب قبل كده واللي بيعمل جمب بينزل من على المايك ببلوك فورا من اي حد من الادارة سواء ادامن او اوبلصات او اونرات
4 - ممنوع فتح كاميرا اي حد وخصوصا البنات الا بأستأذان صاحب او صاحبة الكاميرا بالاول
وطبعا الحكاية دي معمولة خصوصا عشان البنات في الحقيقة لانو في ناس بتطلع على الكام بتاعتهم من باب الصفاقة عشان يشوفوا في ايه مع انو البنت في اغلب الاحوال بتستعمل برنامج الكاميرا الوهمية وبتحط صورة رمزية مش صورتها اصلا ومع ذلك البجح بجح
5 - ممنوع طلب الالوان على العام
بمعنى انك مش تقول انا عايز اترفع وابقى فريند ولا ادمن ولا حاجة لانو ده غلط الشخص اللي بيترفع في روم بيترفع بمجهوده وشغله وسلوكه هناك وبالنسبة لمسألة الشغل والمجهود دي فنا هناقشها في القسم الي جاي بس اصبرو ا
6 - ممنوع طلب الخاص على العام
بمعنى
انو لو حد قافل البرايفيت بتاعه وانت عايز تكلمه مش تيجي تقوله على العام ممكن خاص وبرضو الحكاية دي معمولة اكتر حاجة عشان البنات حماية اكتر ليهم على البرنامج من المضايقات
7 - ممنوع الكتابة بالالوان الفسفورية اللي ملهاش معنى دي وبتجيب حولان بعيد عنكم
9 - ممنوع اللعب بالالوان
بمعنى انو اي ادمن او اوبلص ممنوع يهزر مع زميله اللي في نفس لونه او اقل منه باللون بتاعه بمعنى انو مش ينفذ فيه اوامر الكامفروج على سبيل الهزار مثلا
ودي أهم قواعد واداب الكامفروج واللي بيخالفها بيعرض نفسه للعقوبة فورا وبدون نقاش

القسم الخامس :- ملاحظات مهمة جدا لكل الاخوة والاخوات الجدد في برنامج الكامفروج
الاول عايز اعرفك على شوية حاجات في الكامفروج منها ازاي تقدر اشتغل في الروم وتعمل انفايتات وتسمعهم حاجة ولو النت هيس عندك تعمل ايه وكل ده هنتكلم فيه دلوقتي
الاول عايز اتكلم وانت في الكامفروج وعلى روم لازم الاول تعرف انو الاحترام اساس كل شئ وطالما انت عايز يكون ليك مكانة على الكامفروج فهتقدر
الاول بالنسبة للشغل في الروم فاليوم في الروم عبارة ان مسابقات وفقرات متنوعة الكل بيشارك فيها وحتى اللي مش بيشارك بيحس انو بيشارك فيها برضو والاول تعالوا نعرف شوية حاجات
الاول بالنسبة للانفايتات فالانفايت هو انك تدعو حد للدخول في الروم اللي انت فيها ودي ليها طريقتين الاول الانفايت التقليدي بتاع الكامفروج وهو انك تيجي على النيم اللي انت عايز تعمله انفايت وتدوس كليك يمين عليه وبعدين copy name وبعدين تيجي في الروم وتدوس فوق على action وبعدين تختار invite a friend to this room وتحطه النيم paste وبعدين ok
والطريقة التانية والاحلى والاظرف والاشهر هي انك تعمل انفايت بنفسك وتدخل فيه كودين كود للانضمام للروم وده بيكون كالتالي مثلا دي رومنا هي روم ايجيبت احلى دنيا
EGYPT_AHLA_DONIA
وهذا كود الانضمام او دخول الروم camfrog:join:room name
يعني كود الدخول للروم اللي بتكتبه وبيتحول لينك لما ينداس عليه تدخل الروم يبقى كده
camfrog:join:EGYPT_AHLA_DONIA
ده بمجرد ماتكتبه وتبعته لحد يتحول للينك بمجرد مايدوس عليه يدخل روم ايجيب احلى دنيا
وبعد كده في كود تاني الي هو كود اضافة الروم لقايمة الرومات المفضلة والكود بتاعها بيبقى كده
camfrog:add:EGYPT_AHLA_DONIA
وطبعا مش تنسى انك تكتب كلمتين مع الانفايت على كام وردة وايموشن جميل تفتح نفس اليوزر عشان يجي الروم
ده الانفايت نيجي دلوقتي للشغل على الروم اول حاجة انت بتكون يوزر عادي اول مابتدخل الروم وبأسلوبك مع الناس بتقدر تلفت الانظار ليك وبتقدر تاخد المايك وتبدأ تشغل الروم وتاخد مكانة اكبر هناك واحسن حاجة انك تطلع تعمل مسابقة تتشاركوا فيها كلكوا ويكن اللي يجمع اكبر بوينتات او نقط في الاخر يحكم على حد بحكم معين او تقدم فقرة ممتعة هناك على المايك