سمية
عدد المساهمات : 8
تاريخ التسجيل : 26/05/2016
العمر : 25
 |  موضوع: طريقة صنع الميلفاي  الخميس مايو 26, 2016 9:07 pm | |
|
اولا نبداو بالعجينة المورقة في اناء نضع 1كلغ فرينة نص كاس زيت و 20غ ملح انا هناء استعملت الملح الرفيع اذا كان خشين ذوبوه مع الماء .و 3ملاعق خل محللة في كاس ماء (مجمل كمية الماء المستعملةهي500ملل)و كل فرينة كيفاش كاين اللي تتشرب الماء و كاين لالا المهم نلم العجينة باطراف الاصابع حذاري ثم حذاري تعجنوها لانو اذا عجنتوها راح يتشكل الغلوكين فالعجينة و من الصعب فردها لاحقا
بعدها نلفها في بلاستك غذائي و نترها ترتاح فالثلاجة نصف ساعة راكو شايفين العجينة كيفاش معمرة تكتلاك كيما قلتلكم ما نعجنهااااش ابدا
هنا عندنا 750 غ زبدة التوريق بحرارة الغرفة نقسم الكمية على 2 ،بعدما رتاحت العجينة نحلها بالحلال بالطول بالاستعانة بنشاء الذرة لفرد العجينة ممكن استعمال الفرينة لكن نشاء الذرة افضل
بعدما ارتاحت العجينة نحلها بالطول و نرابي نصف كمية الزبدة اللي هي375غ تقريبا في منتصف العجينة و نطوي العجينة كما هو مبين فالصورة و نزيد نحلها بالحلال و هنا حذاري تجنبو تلمسو العجينة باليد لان اليد سخونة و راه تذوب الزبدة و الماء اللي فيها يتفاعل مع العجين و يشكل الغلوتين و بالتالي يصعب التعامل معها لاحق لانها تصبح مطاطية
بعدما حلينا العجينة للمرة 1نعيد نفس العملية نطوي العجينة مثل المرة الاولى ونحلها للمرة2و نطويها و نحطها فالثلاجة تريح طبعا بعدما نغطيها ببلاستيك و نتركها نصف ساعة ترتاح و الزبدة تتماسك و العجين يساعدنا باش نحلوه لاحقا
و نكرر نفس العملية نحل العجينة و نطويها للمرة3 و نزيد نحلها و نطويها للمرة4 مع الاستعانة بنشاء الذرة من مرة لاخرى و ازالة الزائد ببانسو و نتركها ترتاح نصف ساعة فالثلاجة ثم نحلها و نرابي نصف كمية الزبدة المتبقات و نكرر العملية 4,3,2,1 و طبعا بعد كل 2 tourنخليها تريح فالثلاجة ضرووووري
ثم نحلها بالسمك المرغوب فيه هنا الميلفاي يحتاج نفتحوها رقيقة كما هو مبين فالصورة و نثقبها جيدا بالشوكة و نطهوها على ظهر الصينية على درجة200 انا بصراحة نطيبها من جهة ثم نقلبها لو نشعل عليها من فوق تتحرقلي شوية و تعطي ذوق مر ،بازم طيب حمرا كيما رتهي فالصور
الكريم موسلين
نضرب4صفار بيض مع200غ سكر ثم نضيف 5ملاعق مايزينة و2ملاعق فانيلا من جهة نكون حاطين الحليب يغلي بعدما سخن نضيفو لخليط البيض على شكل خيط مع الخلط ثم نرجع الخليط للكسرونة و نبقى نحرك حتى يتكاثف
ننزعه من النار و نفرغه في اناء و نغطي الكريمة ب بلاستيك غذائي و نترها تبرد ثم نضي75غ زبدة بحرارة الغرفة مع الغلط بالخلاط الكربائي حت يتضاعف حجمها و تصبح ملساء و خفيفة
ناتي للمونتاج العجينة حاضرة الكرم موسلين جاهزة نذوب الفوندون و الشكلاطة في ان واحد
نضع اول قطعة العجينة المورقة و نضيف فوقها نصف كمية الكريمة ثم قطعة اخرى من العجين ثم الكريمة ثم العجين و في الاخير نحظر صينية و نضعها من فوق و هضغط كي تتجانس كل الطبقات و الكريمة تدخل فالعجينة و لا تبقى فراغات
و بالصحة و الراحة منقول | |
|
